Sunday

ചെണ്ടേന്റടുത്തോ ചപ്ലങ്ങ...


സുഹൃത്തുക്കളെ,
ഫ്രീസാമ്പിളില്‍ തുടങ്ങിയ Fresh memoryപഠന പരമ്പരയുടെ രണ്ടാമദ്ധ്യായം കഴിഞ്ഞപ്പോള്‍ എനിയ്ക്കു വന്ന ചില മെയിലുകളാണ് ഈ കുറിപ്പിനാധാരം.

(ഇത് കോഴിക്കോട് പുതിയ ബസ്റ്റാന്റില്‍ തിരക്കുള്ളപ്പോള്‍ തൊള്ളപൊട്ടുമാറ് അലറുന്ന എളുപ്പവഴി പുസ്തകത്തിന്റെ പരസ്യമല്ല. ദിവസം ആയിരം രൂ‍പനിരക്കില്‍ പലരും പഠിച്ചതും ഇപ്പോള്‍ പഠിച്ചുകൊണ്ടിരിയ്ക്കുന്നതുമായ കാര്യങ്ങളാണ്. ഈ അറിവുകള്‍ പങ്കുവയ്ക്കുന്നതില്‍ ആര്‍ക്കാണു നഷ്ടമെന്ന് എനിയ്ക്കറിയില്ല. എനിയ്ക്കെന്തായാലുമില്ല. ബൂലോകര്‍ക്ക് എന്തായാലും നഷ്ടം വരില്ല. ഏതായാലും ഐ പി അഡ്രസ്സുതെരഞ്ഞു കൊട്ടോട്ടി പോണില്ല. മലപ്പുറത്തു പൂക്കോട്ടൂര്‍ അറവങ്കരയില്‍ വന്നാല്‍ നേരിട്ടു കാണാം. മെയിലയച്ച നാലുപേര്‍ക്കും ഇനി അത്തരത്തില്‍ അയയ്ക്കാന്‍ പോകുന്നവര്‍ക്കും വേണ്ടിയാണ് ഈ കുറിപ്പുകള്‍).

“അദ്ധ്യായങ്ങള്‍ ഇത്രയും വിശദീകരിയ്ക്കണോ സാമ്പിളുകള്‍ തന്നിട്ട് ഇങ്ങനെ ചെയ്താല്‍മതി എന്നു പറഞ്ഞാല്‍പ്പോരേ, അങ്ങനെയെങ്കില്‍ പോസ്റ്റുകളുടെ എണ്ണവും കുറയ്ക്കാമല്ലോ അല്ലെങ്കില്‍ത്തന്നെ ഇത്രയും വിശദീകരിയ്ക്കേണ്ട ആവശ്യമില്ലല്ലോ,” എന്ന് ഒരു കൂട്ടര്‍. “പോയിന്റുകള്‍ കുറേക്കൂടി വിശദീകരിച്ച് നേരിട്ട് ക്ലാസ്സെടുക്കുന്നതുപോലെ തോന്നുന്ന വിധം പോസ്റ്റു ചെയ്താല്‍ പഠിയ്ക്കാന്‍ തീരുമാനമെടുത്തവര്‍ക്ക് കൂടുതല്‍ ഉപകാരപ്രദമാകും,” എന്നു മറ്റൊരു കൂട്ടര്‍.

രണ്ടാമതു പറഞ്ഞതാണ് എന്റെ അഭിപ്രായം. കാരണം ഇവയെല്ലാം തമ്മില്‍ത്തമ്മിലുള്ള തമാശകളിലൂടെയും മറ്റും എളുപ്പം പഠിയ്ക്കാവുന്ന ചെറു ടെക്നിക്കുകള്‍ മാത്രമാണ്. അതു പോസ്റ്റായി എഴുതുമ്പോള്‍ കൂടുതല്‍ വിശദീകരിയ്ക്കേണ്ടതായി വരും. അല്ലെങ്കില്‍ ഒരുപക്ഷേ ഉദ്ദേശിച്ച ഫലം കിട്ടിക്കൊള്ളണമെന്നില്ല. നിത്യജീവിതത്തില്‍ നമുക്കു സംഭവിയ്ക്കുന്ന ചില്ലറ മറവികള്‍, നൂറു വര്‍ഷത്തെ കലണ്ടര്‍ മന:പാഠമാക്കല്‍ തുടങ്ങിയ സംഗതികള്‍ പിന്നാലെ വരുന്നുണ്ട്. സ്വയം പരിശീലിയ്ക്കാന്‍ മറക്കരുത്. കമന്റുകളിലൂടെ അഭിപ്രായം പറയുന്നതല്ലേ നല്ലത്..?

Tuesday

ഇതുകൊണ്ടു തീരുമെന്നു കരുതണ്ട...


 ഈ ബൂലോകത്തേയ്ക്ക് പാവം(?) കൊട്ടോട്ടിക്കാരന്‍ കടന്നുവന്നത് ഏകദേശം രണ്ടു വര്‍ഷം മുമ്പാണ്. ആരാന്റെ കമ്പ്യൂട്ടറിന്റെ ഒഴിവുകാലം നോക്കി കിട്ടുന്ന പോസ്റ്റുകള്‍ വായിക്കും. ബ്ലോഗ് തുറക്കല്‍ മാത്രമായിരുന്നു എന്റെ കമ്പ്യൂട്ടര്‍ പരിജ്ഞാനം. ഇപ്പഴാണ് നമുക്കുംകൂടി ഒന്നുബ്ലോഗിയാലെന്താ എന്നു തോന്നിയത്. കുറേശ്ശെയാണ് എനിക്ക് ഈരംഗം മനസ്സിലായത്. ഇപ്പോഴും എല്ലാം മനസ്സിലായി എന്നു പറയുന്നില്ല. (പക്ഷേ, ബൂലോകത്ത് ഇതിനുമുമ്പ് പലതും നടന്നിരുന്നു എന്നു മനസ്സിലായി. ദൈവാധീനത്താല്‍ ഇപ്പൊ അങ്ങനുള്ള സംഗതികളൊന്നും കേള്‍ക്കുന്നില്ല).

കല്ലുവെച്ചനുണ മുതല്‍ ഈ ബ്ലോഗ് വരെ എന്നെ വളരെയധികം സഹായിച്ചത് ആദ്യാക്ഷരി അപ്പുവും, ലുട്ടുവും, രാഹുലും ഒക്കെയാണ്. അപ്പുവിന് സ്പെഷല്‍ താങ്ക്സ്. അരുണ്‍ കായംകുളവും കാപ്പിലാനും ചാണക്യനുമൊക്കെ എന്നെ സഹായിച്ചുകൊണ്ടിരിക്കുന്നു, പ്രോത്സാഹിപ്പിച്ചുകൊണ്ടിരിക്കുന്നു. ബൂലോകത്തെ പേരെടുത്ത ബ്ലോഗര്‍മാര്‍ എന്റെ ബ്ലോഗുകള്‍ സന്ദര്‍ശിക്കാന്‍ തയാറാകുന്നു. മിക്കവരും കമന്റുകളും എഴുതുന്നുണ്ട്. കമന്റെഴുതാതെ കടന്നുപോയരെ വിസ്മരിക്കുകയല്ല. ഇപ്പൊ ഇതുപറയാനുണ്ടായ കാരണമുണ്ട്. പിന്നീടൊരിക്കല്‍ അതു പറയാം. തല്‍ക്കാലം ഫ്രീ സാമ്പിളിലെ ദക്ഷിണ വാങ്ങി ബൂലോകത്തെ ഈ ശിശുവിനെ അനുഗ്രഹിക്കുക.

 സത്യത്തില്‍ ഈ ബ്ലോഗ് പോസ്റ്റുകള്‍ ഇടാനുള്ളതല്ല (എന്നുവച്ച് കമന്റുകള്‍ കുറയ്ക്കണ്ട). തലക്കെട്ടില്‍ പറഞ്ഞപോലെ കൊട്ടോട്ടിക്കാരന് പറയാനുള്ളത് പറയാനാണ്. അതിനാല്‍ ഈ ബ്ലോഗില്‍ കല്ലുവച്ചനുണ പ്രതീക്ഷിയ്കണ്ട. (ആര്‍ക്കെങ്കിലും എന്നെ ചീത്തവിളിയ്ക്കണമെന്നു തോന്നിയാല്‍ ദയവായി ഇവിടെവന്നു വിളിയ്ക്കുക.) ചെറായിയില്‍ കാണാമെന്നു പ്രതീക്ഷിയ്ക്കുന്നു.

ഫ്രീസാമ്പിളി
ലെ കാര്യങ്ങള്‍ നന്നായി ശ്രദ്ധിച്ചു മനസ്സിലാക്കണം. അടുത്ത അദ്ധ്യായം തയ്യാറാക്കിയിട്ടുണ്ട്. (എന്റെ കമ്പ്യൂട്ടര്‍ തകരാറിലാണ്. ആരാന്റെ കമ്പ്യൂട്ടറില്‍ നിന്നാണ് ഇത് പോസ്റ്റുന്നത്). ജൂണ്‍ 26-ന് പോസ്റ്റു ചെയ്യാമെന്നു കരുതുന്നു.

എല്ലാര്‍ക്കും നല്ലൊരു ദിവസം നേര്‍ന്നുകൊണ്ട്,
കൊട്ടോട്ടിക്കാരന്‍

Sunday

കൊട്ടോട്ടിക്കാരനു പറയാനുള്ളത്...

 
ഉത്ഘാടനം ഉണ്ണിമോള്‍ക്ക് ,

കഴിഞ്ഞതവണ, നാട്ടില്‍ പോയപ്പോള്‍ തെമ്മല ഡാമിന്റെയും പരിസരത്തുള്ള ചിലതിന്റെയും ഫോട്ടോകള്‍ എടുത്തിരുന്നു. പോസ്റ്റ് ചെയ്യുന്നതിനു മുമ്പ് കല്ലുവെച്ച നുണയില്‍ ഉണ്ണിമോളുടെ കമന്റു കണ്ടു. അതിലൂടെ ഉണ്ണീമോളുടെ ബ്ലോഗിലെത്തിയപ്പൊ ചെറിതായൊന്നു ഞെട്ടി. മൂന്നു ഫോട്ടോകള്‍ വന്നുകഴിഞ്ഞു ! അത് ഫ്രീ സാമ്പിളില്‍ ഇടാന്‍ ഉദ്ദേശിച്ചവയായിരുന്നു. പാമോയില്‍ വിവാദം വന്നവഴിക്കു ശേഷം. അതുകൊണ്ടാണ് “ഐ ബിലീവ് ഇന്‍ മൈ എബിലിറ്റീസ്” ഇത്ര പെട്ടെന്നു തുടങ്ങിയത്. ഉണ്ണിമോള്‍ ബാക്കി ഫോട്ടോകളും പോസ്റ്റുമെന്ന് പ്രതീക്ഷിക്കുന്നു. ഏതായാലും ഉണ്ണിമോളുടെ മറുപടി പ്രതീക്ഷിയ്ക്കുന്നുണ്ട്.

സ്നേഹപൂര്‍വ്വം,
കൊട്ടോട്ടിക്കാരന്‍
e mail : sabu_kottotty@yahoo.com

Wednesday

ദൈവത്തെയും മതം മാറ്റി..!!

മനുഷ്യന്റെ നെറികേട്
മതത്തിലും വിശ്വാസപ്രമാണങ്ങളിലുമെന്നല്ല
ദൈവങ്ങളില്‍ പോലും വിശ്വാസമില്ലായ്മ
അതിനിടക്കാണ് ഒടുക്കത്തെ മതം മാറ്റം !
മാറലും മാറ്റിക്കലും, നാറലും നാറ്റിക്കലുമായി
രംഗം തിമിര്‍ത്തു കൊഴുക്കുന്നു !
ആയതിനാല്‍ ദൈവം മതം മാറാന്‍ തീരുമാനിച്ചു
എടുപ്പിച്ചു എന്നുപറയുന്നതാണ് കൂടുതല്‍ ശരി
മതത്തിന്റെ ഓണറായ മനുഷ്യന്‍ നിബന്ധിച്ച്,
കല്‍പ്പിച്ചു കൂട്ടി മതം മാറ്റി, അതും ദൈവത്തെ ! ഒന്നല്ല രണ്ടു തവണ !

ഇവിടെ കൃഷിയിറക്കാന്‍ പറ്റിയ,
ഏറ്റവും നല്ല വിളനിലമാണ് മതം !
കൂട്ടുകൃഷിക്കാര്‍ക്ക് വിശ്വാസങ്ങളും, രാഷ്ടീയക്കാര്‍ക്ക് അതിലും കഷ്ടം !

തഞ്ചാവൂരറിയുമോ ?
പിന്നെ അറിയാതെ...
കുഞ്ചിരാമന്മാര്‍ കഞ്ചാവടിച്ച് പ്രാഞ്ചി പ്രാഞ്ചി കൊഞ്ചുപോലെ നടക്കുന്ന നാട്
ദൈവമേ... ( മതം മാറിയോ എന്തൊ )

ശെരുമക്കനല്ലൂരോ ?
നെറയെ എരുമകളുള്ള നാട് !
എരുമകള്‍ മാത്രമുള്ള നാട് !!
( പോത്തുകളെല്ലാം ഇവിടെയാണല്ലോ !)
ആ നാട്ടില് ഇന്നലെവരെ ഒരു ദൈവമുണ്ടായിരുന്നു...
കറുപ്പസ്വാമി ദൈവം
( വിശ്വാസത്തിന് തുരങ്കം വയ്ക്കുന്ന മൂരാച്ചിയാണോ ഇതെഴുതുന്നവന്‍ ? )
ആരെങ്ങനെ ചിന്തിച്ചാലും വേണ്ടില്ല, മൂപ്പര് മതം മാറി !
മാറ്റിയെന്നു പറയുന്നതാണ് കൂടുതല്‍ ശരി.
പാപനാശത്തിനു ചാരെ
ഭക്തര്‍ക്ക് അനുഗ്രഹം മാത്രം ചൊരിഞ്ഞിരുന്ന എന്റെ സ്വാമിയെ
ധിക്കാരപൂര്‍വ്വം മതം മാറ്റിയ പാപികളെ ...
പാപനാശത്തില്‍ മുങ്ങിക്കുളിച്ചു ശുദ്ധി വരുത്തിക്കോളൂ...

ചൈനയില്‍നിന്നുവന്ന ചോളക്കൊതിയന്മാര്‍ ഉണ്ടാക്കിയ,
പത്മ ആസനത്തിലിരിക്കുന്നതു പോലെയുള്ള
മഹാവീര പ്രതിമയെ
മതം മാറ്റി കറുപ്പ സ്വാമി ദൈവമാക്കിയതെന്തിന് ?
ഇപ്പൊ, കാലങ്ങള്‍ക്കു ശേഷം തില്ലൈ കോവിന്തണ്ണന്‍
വീണ്ടും മതം മാറ്റി മഹാവീരനാക്കി !
അഹങ്കാരി !!!
ആകെ ഗുലുമാലാകുമോ എന്തൊ...

നീളം മൂന്നടി,
വീതി രണ്ടരയടി
ദൈവത്തിന്റെ അളവെടുത്തവന്റെ മണ്ടയ്ക്കടിയ്ക്കണം !

രണ്ടാമതും മതം മാറാന്‍ ദൈവം തീരുമാനിച്ചെന്നാണറിയുന്നത്
മാറ്റിയവന്‍ വിടാന്‍ തയ്യാറല്ലത്രേ !
ഈ പുരാവസ്തുക്കള്‍ക്ക് വേറേ പണിയൊന്നുമില്ലേ ?
എന്താ അവരും കൂടി ഇപ്പണിയ്ക്കു നില്‍ക്കുന്നത് ?
അല്ലാതെ തന്നെ മനുഷ്യന് സ്വൈര്യതയില്ല...

മതം മാറ്റാന്‍ പുരാ തമ്പുരാക്കളും
മതം മാറാന്‍ ദൈവംതമ്പുരാനും തീരുമാനിച്ചെങ്കിലും
മാറാനും മാറ്റാനും സ്വാമിഭക്തര്‍ തല്‍ക്കാലം തയ്യാറല്ല...
മഹാ വീരനായാലും മഹായില്ലാത്ത വീരനായാലും
കറുപ്പസ്വാമി ദൈവം നമ്മുടെ ദൈവം....
ശെരുമക്കനല്ലൂര്‍ക്ക് കണ്‍കണ്ട ദൈവം....

Thursday

നുണയല്ല... നുണയനാ...


ബൂലോകരേ തല്ലല്ലേ...

നിങ്ങളുടെ കമ്പ്യൂട്ടറില്‍ ഇപ്പോള്‍ കാണുന്ന, ഇപ്പോള്‍ നിങ്ങള്‍ വായിച്ചുകൊണ്ടിരിക്കുന്ന മലയാള അക്ഷരങ്ങള്‍ക്കു ഭംഗി കുറവുണ്ടോ ? (നല്ല സ്റ്റൈലന്‍ മലയാളത്തില്‍ ബ്ളോഗുവായന നടത്തിക്കൊണ്ടിരിക്കുന്നവര്‍ ഈ പോസ്റ്റ്‌ ശ്രദ്ധിക്കേണ്ടതില്ല). നല്ല ചൊങ്കും ചൊറുക്കുമുള്ള മലയാളത്തില്‍ ബ്ളോഗു വായിക്കാന്‍ താത്പര്യമുള്ളവര്‍ക്ക്‌ ഫയര്‍ഫോക്സിന്‍റെ ഈ ബ്രൌസര്‍ ഡൌണ്‍ലോഡ്‌ ചെയ്യാം...

ഇനിപ്പറയൂ... എങ്ങിനെയുണ്ട്‌ ?

ഒന്നുകൂടി... അക്ഷരത്തെറ്റുകള്‍ ബ്ളോഗെഴുത്തിലും വായനയിലും പ്രശ്നമല്ലെന്നറിയാം. വരമൊഴിയില്‍ എഴുതുമ്പോള്‍ സ്വാഭാവികമായി ചില വാക്കുകളില്‍ കയറിവരുന്ന ചെറിയ പ്രശ്നം പരിഹരിക്കാന്‍ പലരും മെനക്കെടാറുമില്ല (എൺറ്റെ, റയില്വേ മുതലായവ). ഒരു ചെറിയ സൂത്രപ്പണിയില്‍ തീര്‍ക്കാവുന്നതേ ഉള്ളൂ ഇത്‌. ente എന്നത്‌ en Re എന്നെഴുതുക, RayilvE എന്നത്‌ Rayil vE എന്നും. പേസ്റ്റ്‌ ചെയ്തതിനു ശേഷം അക്ഷരങ്ങളുടെ ഇടയിലെ സ്പെയ്സ്‌ ഒഴിവാക്കാം.

ഇനി നോക്കൂ...
എന്‍റെ റയില്‍വേ ശരിയായില്ലേ

വീണ്ടും...
അന്‍പതും നൂറും അഞ്ഞൂറും സാധനങ്ങളുടെ ലിസ്റ്റും മൊബൈല്‍ നമ്പരുകളും വ്യക്തികളുടെ പേരും അങ്ങനെ എന്തും ഒറ്റപ്രാവശ്യം മാത്രം കേട്ട്‌ ഓര്‍മ്മിച്ചു തെറ്റാതെ പറയുന്നത്‌ കണ്ടു നിങ്ങള്‍ അത്ഭുതപ്പെട്ടു നിന്നിട്ടുണ്ടോ ?

നിങ്ങള്‍ക്കുമതിനു സാധിക്കും, ബൂലോകര്‍ക്കു താല്‍പര്യമുണ്ടെങ്കില്‍ നമുക്ക്‌ ഒരുമിച്ചു തുടങ്ങാം... വേണമോ വേണ്ടായോ നിങ്ങള്‍ പറയൂ...

Popular Posts

Recent Posts

Blog Archive